人愈大，愈喜歡「蒸」的料理，一方面簡單唔需要開油鑊，另一方面健康又比「烚」更能保留食材既營養。
家中有兩套蒸籠都係出自香港上環老字號出品，呢兩位成員跟住我10年終於係時候退役，係日本想搵好既蒸籠，二話不說買左呢套照宝。
照宝，絕對係日本既國寶級蒸籠品牌，單係蒸籠材質，已經可以選擇 杉 / 杉上 / 竹 / 白木 / 桧。而尺寸大小亦有 15cm/18cm/21cm/27cm/30cm，視乎係幾人家庭同埋主要用蒸籠黎整咩料理。
購買時可以按自己喜好同煮食習慣有幾 frequent 用蒸籠既需要而選擇，當然材質愈好就愈耐用，另外最大分別就係「氣味」。
經過一留掙扎後，最後入手左 2 個 白木 27cm 蒸籠 (連蒸籠蓋)。
平時主要用蒸籠係蒸排骨、蔬菜同埋肉包，所以覺得比起一人蒸籠，尺寸較大會比較 flexible, 只係較佔収納空間，不過就當買少一個 le creuset or staub，蒸籠還是優先 :)
而選擇白木既原因係，個人比較唔鐘意蒸完野好大陣味，而白木就唔會有呢個問題，仲會有微微既木香。
另外對蒸籠既 heavy user 黎講，最重要的當然係耐用性，白木蒸籠係用「金具」去固定，比起一般用「竹」固定既蒸籠亦更耐用。
如果想蒸籠 100% 日木製的話，可以考慮最high rank 既 桧，由日本國內職人人手一個一個製造，蒸完 桧既香氣亦係最 classy woody，都係值得投資既一件料理道具。
-
-