今日想同大家分享一樣一d 都唔起眼，但卻係廚房必備既道具，無論你鐘唔鐘意煮野食都好，相信都需要一塊砧板。
砧板既賣相一d都唔吸睛，所以好少店鋪落廣告時會介紹呢款 product，但其實佢既存在角色無比重要，生既熟既食材，由食材準備最初開始，到最後切生果上餐桌，都係係一塊砧板上。
所以，問左一位係日本做料理研究家既朋友意見，最後佢介紹左呢塊 Asahi 日本製既橡膠砧板俾我，當然九秒九都唔駛就上網買左。
用左個幾月，終於有信心可以推薦俾大家 :)
首先，朋友推薦 Asahi 呢個品牌，係因為Parker Asahi株式會社本身係一家從事工業樹脂和橡膠製品製造和銷售的公司。憑藉係橡膠加工技術方面積累的專業知識，推出既特製合成橡膠砧板安全高質有保證。
至於點解要買合成橡膠？
唔怕老實講，之前一直想買既都係木製砧板，但發現木材砧板因刀鋒長期下會出現縫隙，食材既營養同埋水份會殘留之中，咁就會令細菌滋生同埋出現發霉既問題，除非願意重金投資一塊千圓以上既木砧板，否則都好難避免呢個問題。
而 Asahi 既特製合成橡膠砧板通過日本SIAA抗菌認證，材質本身
有良好跣水效果，水份不易殘留，而且水份快速揮發，可減少細菌滋生。另外佢既受熱點高達 100 度，可以用熱水消毒沖洗，呢個亦係好多日本壽司職人都選擇 Asahi 砧板既最大原因。
另一個合成橡膠砧板既優點係佢本身有一定既「彈力度」，唔會好似木製砧板硬實，所以切食材時真係好順手，做到好 smooth 既手起刀落，而又唔會 slippery，令食材係砧板上 jump :)
同時，切食材時順手左，即係刀既鋒口 damage 少左，唔會話成日刀鋒鈍左要磨刀，刀既保養亦好左。
最後，對於家庭主婦黎講，木製砧板真係好有「重量」，都係橡膠砧板輕身好用。雖然呢塊特製合成橡膠砧板比起一般膠砧板係重少少，不過對於「手無弱雞之力」既筆者黎講，單手都絕對駕馭到。
共有 3 個 size:
M: 38 x 21cm
L: 40 x 23cm
LL: 42 x 25cm
我自己本身因廚房唔大，但又想分開生同熟食材用既砧板，所以買左 M & L size。
-
-
photo credit @asahi official website
-
-