一把好用優秀的廚房剪刀，絕對是料理隊成員中的重要一員！
之前用了幾年的剪刀，一樣係可拆卸式同埋日本品牌，但可拆卸的卡榫隨住時間而鬆落，有時用用下突然會分成兩半，好危險。
後來決定要搵一把更安全好用的款式，最後搵到呢位來自貝印既「新成員」。
首先，呢位成員系出名門，佢係日本刀具之鄉岐阜縣關市，的首席品牌，關孫六出品。
流線型的彎形剪刀設計，用起來非常順手，用少少力已可以切割食材，施力容易，特別適合裁剪肉類和葉類蔬菜。刀片上有細細既鋸齒、剪食材不易滑手，同埋堅固的鍛造不鏽鋼，就算用黎剪全雞的關節都冇問題。
清潔乾淨的材質、剪刀兩邊能夠分開, 除左平時剪食材，拆解後單邊刀刃可用來刮除魚鱗，多功能使用。
而且不同於舊式剪刀，容易在交縫處藏匿細菌，呢款拆解後單邊刀刃，方便清洗及避免污積積藏，衛生安全。
料理用具，耐用既真係可以跟一世，好用既可以用上十年八載。
雖然呢把剪刀價格都有返咁上下，但以佢既功力同品質程度，絕對值回票價。
-